عمر الهوى لا فات ما فيـه بـدري

شفتك معه تمشون بالسوق واغضيت
وذكرت حـب بيننـا كـان عـذري

والله لو تدرين وش عقـب سويـت
ما طاوعك قلبك علـى شيـل وزري

انتـم تعديتـوا وانـا مـا تعديـت
عجزت اسير وضاقت الارض حدري

انتـي حسبتينـي نسيتـك وقفيـت
وانـا همومـي ثايـرات بصـدري

عادت بي الذكرى لوقـت تناسيـت
يوم ان حبك داخـل القلـب يسـري

ايـام فيهـا حبنـا عالـي الصيـت
لا واحسايف حبنـا ضـاع هـدري

نسيت وقت فيه تفتـح لـي البيـت
وتبدأ تهللي يـا بعـد كـل عمـري

نسيت قولك يا بعـد حـيِّ و ميـت
عاهد واعاهد لا يجي منـك غـدري

ومديت لك يمناي واقسمت واثنيـت
اني ما خونك وانت بالحـال تـدري

وعاهدتني واخلفت وانكرت واشقيت
وانا احسب انك عارفٍ ويش قـدري

يا ما على بالـي ودنيـاي عزيـت
وياما فديتك باجمل ابيـات شعـري

ياما من ابيات الغزل فيـك حطيـت
اصور انـك نـاوي يـوم هجـري

ظني صدق جاني خبر ويش سويـت
انت برضاك اظلمت فجرك وفجـري

لا تعتذر وش فايـده لـو ترضيـت
عمر الهوى لا فات ما فيـه بـدري

ولا تبدي دموعي النـدم والتناهيـت
وانت السبب باللي جرى لك ويجري

كان انت مستانس انـا مـا تهنيـت
يشهد على شكواي دمعي وسهـري

وان كان حظك جاب لك مـا تمنيـت
انا حظيظ بـزود حلمـي وصبـري

يللي علـى حـبِّ عزيـز تعاليـت
لا تذرف دموعك على جـال قبـري

وسلامتـكم

موضوع: _da3m_21 2/14/2013, 12:14

عمر الهوى لا فات ما فيـه بـدري I48555304_73921_4

كلمات اجبرتني علي مشاركتكـ لاحساسي بصدقها وايمانا مني بقلم يختار اجود المفردات
ماذا أقول لكـ يا سيد الحرف ومنبع المعاني
وبحور الكلام ..
كيف وأنا دائما أقف أمامكـ .. صامت..
من جمال ما أراه
ومن حسن أبداعكـ وصياغتكـ المتقنة ...
فأنا لست ألا نقطة من بحور أبداعاتـكـ
وبوووح قلمكـ نثر ما قد يجول في الأنفس دون استشعااار
هزززز الوجدان وتزلزلت البقايا الراكده منذ العصور ؟؟؟؟
لكـ مني كل التقدير على جمالية طرحكـ

عمر الهوى لا فات ما فيـه بـدري I48555304_73921_4

» بحــــــــــر الهوى