السلام عليكم ورحمة الله وبركاته
اهلا بكم اعزائى القراء وبما اننا فى منتدى المناقشه والحوار الهادف اذا من اللازم ان يكون موضوعى هادفا واعتقد انه سيمس القلوب هناك مرض منتشر بين الناس فى العالم كله ولا تعتقدوا انى اكذب انه فعلا مرض منتشر بين العالم بأجمعه انه مرض...............
{الحب}
ستقولوا يااااااه ايه الهيافه دى ما احنا عارفين بس اقلكوا لا مش هيافه لا تهربوا انا عارفه وكل الناس عارفه احب افسرلكوا معنى الكلمه انها المرض المستحب بين الناس كلنا نتمنى ان نمرض به لكن توضيح .... معنى هذه الكلمه الحنان والراحه النفسيه والعطف والاحساس بالمسؤليه واللللللللللللللخ....... لكن كل هذا يجب ان يكون فى اطار محدد وليس خارجا عن السيطره كما نراه حاليا فى شوارعنا ....
اولا سأتحدث للبنات:البنات اكثر ميلا للشعور بالعاطفه اكثر من الشباب بطبيعتهن لكن اخواتى من يحبك سيقدرك ويحافظ على كرامتك ويظهر حبه للنور لايتمنى بل يظهر وهذا كله مجرد كلام يقوله هو لافعل فهو يخرجك لتقابليه بدون علم اهلك من وراهم يعنى طب ليه؟ قولى ليه تخبى على اهلك هتقولى لانهم هيزعلوا جدا منى واحيانا ممكن الايد تتمد طب ليه تعرضى نفسك للاهانه ليه تبقى عامله زى الحراميه اللى خايفه لحد يشوفها وهى بتكلمه طب ما انتى عارفه اهو انك بتعملى حاجه غلط طيب نروح للبنات اللى متاكده ان هو بيحبها ايه الدليل هاتقولى انا مش عبيطه هافهم من تصرفاته وكلامه اقولك ماشى لكن اللى بيحب بيقدر ويخاف على اللى بيحبه انتى لو اهلك عرفوا بالموضوع مش اقلها هيمدوا ايديهم عليكى ولما تيجى تقوليله ماما او بابا شموا خبر هيقولك طب خلى بالك من نفسك وحاولى تدارى امورك طب ده خوف عليكى ؟ من الاخر يا بنات متبهدليش كرامتك اللى هايحبك بجد هايجى يخبط على الباب مش هايتردد ثانيه واحده وبلاش تحطى راس اهلك فى الطين بصى لانك غاليه وعزيزه مترخصيش نفسك لاى حد يقولك كلمتين يدوخوكى وخلاص ابنى لنفسك مستقبل واكيد اكيد هتلاقى اللى يقدرك بيخبط على بابك
ثانيا الجدعان الشباب:
طبعا كل واحد فاكر نفسه ملاك وخلى بالكوا مش بعمم زى ما فى الوحش فى الحلو لكن بص على نفسك مضيع نفسك مع اصحاب السوء والبنات وكمان السجاير الى اخره ليه ؟ دا انتى عمود من عمدان المستقبل وغيرك العمود التانى وغيرك وغيرك لغاية ما كل الشباب يبنوا مستقبل اسمع عقلك بيقولك الكلام الفضى كل الناس عماله بتقولهولى مجبتيش جديد طبعا ما انت مبهدل نفسك وكرامتك ليه ؟ بص لنفسك شويه عاجبك حالك ده ؟ بص لمستقبلك اعملك مستقبل الناس تحلف بيه عشان فى الاخر تلاقى بنت الحلال وتبنوا مستقبل جديد مع بعض
انا مش هاكتر عليكوا اكتر من كده لان المواضيع الطويله محدش بيحب يقرأها لكن احب اعرفكوا على نفسى انا بنت معدتش 16 سنه هاتستغربوا اقلكوا الحمد لله بشوف كتير من حولى وكمان بحاول اثقف نفسى بشترك فى كل حاجه فى امدرسه من الاخر ببنى لنفسى مستقبل عشان ارفع راسى وراس اهلى اوعوا تحسدونى على العموم اى حد محتاج يعرف اى حاجه فى الدين فى الاخلاق يبقى على اتصال معى ومتنسوش التعليقات